Хайа баҕарар көлуенэ бэйэтин кэмин арылхайдык кердерер ырыалаах тойуктаах. 70-80 сылларга Эдьигээн эдэр ыччатын ортотугар тыыннаах музыка олус сайда сылдьыбыт, олор истэригэр араас сылларга ыллаан – туойан ааспыт дьоннор убайдыы бырааттыы Танабай уонна Кендебай Кыздарбековтар, Семен уонна Иннокентий Кычкиннар, Эдуард Новоприезжай, Герасим Павлов уо.д.а. Билинни кэмнэ тыыннаах музыка саналыы тыынын ылан сайдан эрэр. Эдэр ыччат тыыннаах музыканы сэргиир, кэрэхсиир буолбута олус уеруулээх. Биьиги оройуоммутугар оҕолору тыыннаах музыка хайысхатыгар уһуйан үөрэтии бу икки сыл устата ситимнээхтик ыытыллар, о5олор умсугуйан туран дьарыктаналлар. Ол тумугэр, муус устар 5 кунугэр оройуонна аан бастаан «Сааскы дорҕоон» диэн ааттаах тыыннаах музыка күрэ5э буолан ааста. Манна кыттыыны ыллылар ырыа куттаах, тыыннаах музыканы биhириир биһиги талааннаах дьоннорбут уонна оройуоммутугар сана сайдан эрэр вокальнай-инструментальнай белехтер. Бу конкурска уопсайа уон киьи уонна үс белех кытынна.
Күрэх түмүгүнэн гитарнай ырыаҕа оҕолорго бастакы миэстэни ылла Зина Митясова, иккис миэстэ - Коля Массаев уонна Иван Иванов, үһүс миэстэ- Диана Соломонова. Улахан дьоҥҥо бастакы миэстэ тигистэ Юрий Максимов, иккис миэстэ - Аполлон Степанов, үһүс миэстэ – убайдыы бырааттыы Александр уонна Илья Анастаховтар. Ансамбылынан күрэхтэһиигэ бастакы миэстэни ыллылар «Эйгэ уолаттара» (ЭКЦ “Эйгэ” , сал. Иванов В.Н.), иккис миэстэ «Тэмиктэ» (“ЖЦДО”, сал. Романов М.Л.), үһүс миэстэ «Айар Артик» (“ЖСОШ”, сал. Степанов А.Д.). Кэлбит дьон сүргэлэрэ көтөҕүллэн астына дуоьуйа сынньаннылар
Тэрийэр белех аатыттан улахан махталбытын тиэрдэбит дьууллуур субэ кыттыылаахтарыгар Светлана Николаевна Ваильева5а, Иннокентий Иннокентьевич Дьяконовка, Анна Софроновна Федорова5а, анал бириистэри туруорбуттарга Борис Николаевич уонна Римма Алексеевна Алексеевтарга, Ольга Семеновна Охлопкова5а, Павел Николаевич Дьяконовка, Культура уонна туризм салаатын салаайаачытыгар Ирина Алексеевна Бурцеваҕа, Эдьигээннэҕи эбии уэрэхтээьин бары улэьттэригэр уонна конкурсу тэрийэн ыытарга куус – кеме буолбут Михаил Иванович Ефимовка, Вдадимир Ивановка.
Айар белехтер уонна биирдиилээн толорооччулар инникитин сайдан иьиилэрэ ыччаты кэрэни кэрэхсииргэ, уерэтии -иитэр улэ биир сурун хайысхата буолуо диэн бигэтик эрэрнэбин.
Тыыннаах музыка, уостан сүтэн хаалбакка, көлүөнэттэн көлүөнэҕэ сылтан сыл аайы дьон дууһатын абылыы, уһуйа өссө да сайда турдун диэн баҕа санаалаахпын. Кыттааччыта уонна сэргэх керееччутэ элбии турдун.
Мичил Романов, эбии уерэхтээьин педагога |
